بازگشت به صفحه پیشین

امنستی اينترنشنال آذربايجانلی سياسی محبوسلارين آزاد اولونماسينی ايسته يير

07.06.2008

 بين الخالق عفو تشکيلاتی حسن اسدی، علی صادقی، حجت تاروئرديان، اکبر حسين زاده، احد رضوی، امير بنای کاظمی و باشقا يوزلرله فعالين حبسينه اعتراض ائدن بياناتلا چيخيش ائديب. آمنستی اينترنشنالين آچيقلاماسينا گوره آدی چکيلن آذربايجانلی فعاللار 16 مای دان بری حبسده ساخلانيلير. بين الخالق عفو تشکيلاتی احدی رضوی، امير بنای کاظمی و باشقا محبوسلارا شکنجه وئريلمه سی ايله باغلی قايغی لارينی ديله گتيرير و 22 مای 2008-دن اؤنجه حبس ائديلميش حسن اسدی نين ياخينلارینين اونون هارادا ساخلانديغيندان خبرسيز اولدوغونو بيان ائدير. اسدی داها اؤنجه ده حبس اولونموش و آيلارلا حبسده ساخلانيلميشدی. علی صادقی نين ايسه تبريزده کی ايش يئرينه هجوم ائده رک آختاريشلاردان سونرا حبس اولوندوغو وورغولانير. کانادادا فعاليت گوسترن آذربايجانلی سياسی محبوسلارين حاقلارينی مدافعه بيرلييی- اداپ پا استنادا علی صادقی نين تبريز اطلاعاتينين باغشمالدا يئرلشن تجريد خاناسينداساخلانديغينی بيان ائديلير. بين الخالق عفو تشکيلاتی ايرنداکی آذربايجانليلارين کولتورل(فرهنگی) حاقلارينی تامين ائتمه يه چاليشان سياسی فعاللارين حبسينين بين الخالق ياسالارا ضد اولدوغونو بيلديرير و ايران رژيميندن اونلارين فوری اولاراق آزاد ائديلمه سينی ايسته يير.

قایناق:

http://www.voanews.com/azeri/2008-06-07-voa6.cfm