آذربایجان

 

 
  ►►► سیاست اجتماعی ملی بین الملل تاریخ  
 

 

هادی قاراچای

یاشیل کیملیک

 

قافقاز سیرا داغلارینین قارتالییام من

و گؤیسومده

یوزایللیکلر آرخاسیندان سسی گلن

بیر قوپوزلا سسله شرک

گومبور_گومبور گومبولدایان ده لی اورک

قام غان اوغلو خان باییندیر اوره ییدیر.

 

اؤلومه لعنت

دیریمه قارغیش

و مبارک آدیمی

خوشلاندیغین کیمی سسله

بیج

ساتقین

شئیطان

منی؛

اویودمه یه جک بو ده ییرمان

کی منده هر شعیر

یوخو گؤرموش لال گؤزو

قولاقلاری شه کلی

دوشمن قوخوسو چکمیش آت کیشنرتیسی دیر...

اووووی اوجا_اوجا گؤیلرین آلتیندا

قیسا تاوانلی وطن!

قیرمیزی قونداغیندا

آدین قازیلمیش تک آچیلانام من

یولدان کئچه نینین اؤپوش یئری

آجینا چؤره ک

یورقونونا دیره ک

و مین بیر قوللاریملا

سنی آختاران یول اولسام گره ک

و ده

شاعیر دئییلم

وطن بویدا بیر قبیرین باش داشییام من

کی منده هر شعیر

آدسیز بیر یوردون

آدسیز وطنداشینا یاشیل کیملیکدیر

داغلارینا سانجیلاجاق بایراق

و وطن قوخوسو وئره جک بیر اوووج تورپاقدیر...

 

 

اؤلومه لعنت اوخو

دیریمه قارغیش

و یارارینجا سسله

مبارک تورک آدیمی

بیج

ساتقین

شئیطان

یوخ؛

منی اویودمه یه جک بو ده ییرمان.

 

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.