آذربایجان

 

 
  ►►► سیاست اجتماعی ملی بین الملل تاریخ  
 

 

"یاشار کمال"
سون 40 ایلین ان یاخشی یازیچی لر سیراسیندا!

    فرانسه ده نشر اولونان ادبیات ژورنالی "Magazine Litteraire"،  اؤزونون 40 ایللیگینی "ادبیاتین 40 ایلی" آدلی مخصوص بیر نمره ایله،  قید ائتمیشدیر. دسامبر آییندا نشر اولونان بو نمره ده 1966- 2006- نجی  ایللر آراسیندا، چاپ ائدیلن ان یاخشی 40 کتاب، یازیچی لارینین یازدیغی اؤز جمله لرله معرفی اولموشدور. ژورنالدا، "گابریل گارسیا مارکز"، "گونتر گراس"، "جورج لوئیس بورخس"، لوئی آراگون"، "مارگوریت دوراس"، "اوکتاو پاز" و "اومبرتو اکو" کیمی یازیچی لارلا بیرلیکده ، "یاشار کمال" دا  یئر آلمیشدیر.

   1982- نجی ایلی "یاشار کمال" ین "ایلانی اؤلدورسه لر" رومانینا حصر ائدن ژورنال، بو اثر حقینده یاخشی و گؤزل فکرلر یازمیشدیر. ژورنال "یاشار کمال" ین اثرلرینده، اونون دوغولدوغو و بویا ـ باشا چاتدیغی یئر- "چوکوراوا"-  نین چوخ مهم یئر توتدوغو، و یازیچی طرفیندن دونیا ادبیاتی صحنه سینه چیخاریلدیغینی قید ائتمیشدیر. "Magazine Litteraire" یازمیشدیر کی، "عاشیق" حکایه چی لرینین ارثیندن بهره له نن "یاشار کمال" هابئله "سروانتس" و "استاندال" داندا جدی تاثیرلر آلمیشدیر.

منبع: جمهوریت(هفته) نمره 52، 29 دسامبر 2006

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.