آذربایجان

 

 
  ►►► سیاست اجتماعی ملی بین الملل تاریخ  
 

 

نسخه قابل چاپ

یاشار کمال

"یاشار کمالدان، مسلکداشی و دوستی گونتر گراسا مکتوب"

انسانلیغین سئوگیلیسی"

بؤیوک یازیچی "یاشار کمال"، گنجلیگینده نازی تشکیلاتیندا یئرآلدیغینی آچیقلادیغی اوچون آغیر تنقیدلرله قارشیلاشان و حتی ایللر قاباق آلدیغی نوبل جایزه سینی گئری قایتارماق تهدیدی ایله راستلاشان، مسلکداشی "گونتر گراسا" بیر مکتوب یازدی. بو مکتوبو تورک دیلینده یایینلانان "رادیکال" انترنتی نشریه سینین 28 آوگوست تاریخلی نمره سیندن چئویریب و عیناَ نشر ائدیریک.

احد واحدی
 

یاشار کمالگونتر گراسسئوگیلی دوستوم، سیزه بو مکتوبو یازمالییام ـ دئیه دوشوندوم. سیزین اولکه نیزده و بیرچوخ اولکه ده انسانلار 17 ـ 16 یاشیندا بیر اوشاقلا مشغول اولور. او اوشاق یاشایشی بویونجا ساواش سونراسی مغلوب اولموش، یارالانمیش، پارچالانمیش اولکه سینین انسانلارینین دردینی ـ غمینی سووتماق اوچون بؤیوک ساواشلار ائدیر و خلقینین اؤزونه گلمه سینی تأمین ائدیر. 17 ـ 16 یاشینداکی اوشاق داها سونرا صنعتی ایله یالنیز خلقینین دگیل، بؤیوک انسانلیغی دا تأثیر آلتینا آلیر.

او بؤیوک یازیچی، بؤیوک هیکل تراش، یالنیز اولکه سی آلمانین دگیل،انسانلیغین دا سئوگیلیسی اولور. چونکی یایدیغی دوشونجه لر، اورتایا قویدوغو گئرچک لر و مجادله سی انسانلاری متأثر ائدیر. بوندان دولایی اونون بؤیوک صنعتی اوچون، عصرین اَن بؤیوک مکافاتی، "نوبل" جایزه سینی وئریرلر. اونون سئچیلمه سینده صنعتینین بؤیوکلوغو قََدَر مجادله سینین ، ساغلام کیشی لیگینین ده بؤیوک پایی وار. اونون کیشی لیگی ایله صنعتی یان ـ یانا گئدیر.اونون صنعتی ساغلام کیملیگینین اثریدیر. اونون کیشی لیگی بیر یاندا، صنعتی بیر یاندا دگیلدیر. اونون صنعتی زمانلاری آشیب گلمیش بؤیوک اوستالارین یانیندادیر.

سئوگیلی دوستوم، سئوگیلی قارداشیم، اونلار 17 ـ 16 یاشینداکی اوشاقلا چارپیشیرلار. سیزین بوندان دولایی اوزولمه نیزی او قَدَر ایسته رم کی...

او 17 ـ 16 یاشینداکی اوشاق، ساواشا دوشمن اولموش اوشاق، ساواشدان صیقل تاپاراق چیخمیشدیر. انسانین انسانا ظلمونو، انسانین انسانی یوخ ائتمه سینی، انسانین انسانا تحقیرینی گؤرموشدور. انسانین مقاومتینی گؤرموشدور. بو 17 یاشیندا کی اوشاق، آرتیق 17 یاشیندا دگیلدیر. اوره گینده کی، حسرت ـ کدر، سئوگی، دوستلوق، مرحمت بؤیوموش، پیسلیک لرین اوستونه بوتون گوجویله یوروموش، خلقلرین وجدانی اولموشدور. و بو وجدان 65 ایلدیر سورمه کده دیر، بوتون وجدانلار اونونلا بیرلیکده دیر.

اوره گینده 60 ایلدن آرتیق داشیدیغی اس اس  مصیبتینی نه ائده جکدیر، مجادله دورورکن باشینا گلن بو فلاکتی آنلاتمانین وقتی نه زماندیر؟ مصیبت یئرینه بیر قهرمانلیق موضوعسو اولسایدی، یازیچی نه زمان ایضاح ائده ردی؟

آچیقلامالارینین زمانینی یئنه یازیچی بیلیر، هیچ بیر شخصی منفعتی  دوشونمه دن ، هیچ بیر باشقا سببی اولمادان، اوز زمانینی گوزله یه ر. او زمانی دا یازیچی اوزو تعیین ائده ر. بونا هیچ کیمسه قاریشا بیلمز.

سئوگیلی قارداشیم سیز عصریمیزی بؤیوک صنعتینیزله، بؤیوک انسانلیغینیزلا، آیدینلاتدینیز. بیر آنادولو سؤزو وار،"یئل قایادان نه قوپارار". منیم اوزولدوگوم ساده جه سیزین اوزولمه نیز!!

سیزه ناظم حکمتین بیر شعرینی گؤنده ریرم:یاشار کمال و گونتر گراس

"بورسا"دا حوله چی رجبه،

قارابوق فابریکاسیندا تسویه چی

حسنه دوشمن؛

فقیر ـ کندلی خدیجه قادینا،

ایشچی سلیمانا دوشمن؛

سنه دوشمن، منه دوشمن

دوشونن انسانا دوشمن؛

وطن کی بو انسانلارین ائویدیر،

سئوگیلیم اونلار وطنه دوشمن!!

                             سئوگیلریمله:   یاشارکمال  20 سپتامبر 2006

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.