آذربایجان

 

 
  ►►► سیاست اجتماعی ملی بین الملل تاریخ  
 

 

نگار خیاوی

ائوین ییخیلماسن ستارخان!

بوگونلر ستارخان سطر سطر  سیلینیر تبریزین توركلویوندن

آز قالمیش چوخلوغو آز ـ آز آزالیر  

چوخ گؤرونور دییه سن تاریخین اَینینه   تاریخده  چوخ گؤرونن گؤرونتوسو

تپه  گؤزون گؤزو آتیلیب  چیخیر تپه یه

گؤزو او بویدا گؤتورمه ییر/  گوجو او آغیرلیقدا چاتیشماییر ستارلیغا

چكیلیشیر لاپ باشا دار میلله نیر ملی سردارلیغا 

تبریزین ائوی اوشاق دئییل كی ریز ـ ریز  ییخیلا یا ییخیلا ییخیلا بؤیویه  

تبریزلیگی كرپیچ كرپیچ  بورخولا  بوشالیب یوخ اولا نقشه نین یاخاسیندان

سنگرینی استتار ائله  ستارخان یوخسا بوردا  تاریخ جغرافیانی بولدیزرلرین نیرهانیری یازار دا  پوزار دا

صوفیان سیمانیندا سیلله یله  بتون تراپی یاپیلار سنه  سنده كی تاریخه  

چوخ چوخ چوخ مرتبه لی گؤبه لك بینالار بیردن بیره  استتار چترینی آچار آغرییان باشیوا

آغیلا ناغیلا سیغمایان اویون اوچار باشیوا 

مندن دئمك ستارخان!

سنگرینی استتار ائله  

 اركین ده  قولاغیندان توتوب یاواش یاواش اكیرلر  مصلا دالینا

دالدالاییب دیبردینین داغیتسینلار یاواشجانا

بوگون صاباح گؤره جكسن ركلامینی اوتاق بویدا بیلبوردلاردا

 گؤره جكسن چارراهلاردا

امیره قیز نه  تانییر كیمدی امیرخیز كؤپكاوغلو

كی دونیانین گوناورتالاشان چاغیندا  قیزلیغیندان  توركلویونو گؤتوردو گؤزگوره تی

ساللاخانا داشینیب مصلایا ساللاندی

دوز ائله  او آندان باشلادی باشلاندی اریمك

اوتانقاج موم اولوب اریدی ارك

اوقدر اوقدر بوشالدی بوشالیندی بو نا امیرخیز الینده  ارلیكدن

فشارخونو، یعنی قان تضییقی یعنی قان باسقیسی

یوك یوك یوكسلدی سكته  گتیردی ارلیگی ارییه  ارییه

كیمه  اركؤیونلنسین  ایندی ارك

ائوین ییخیلماسین ستارخان بوراسی تاریخلی بولدیزر  جغرافیاسی

سووخایا قالمیش ائوینی تئز اول استتار ائله !

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.