|
||||||
       |
||||||
|
|
|
|||||
|
رامین جهانگیرزاده
داشلار
1 مئیدانداکی تندیسین اوره یی داشدان اولسا دا هئچ اولماسا ساچلاریندا یووا قورموش سئرچه لرین اوره یینی دؤیوندورور…
2 بیر گون داشا دؤنسم بوتون سیرلریمی داشلارا دئیه جم!
3 گوزگولرین نفسینه دؤزمه ین داشلار یالنیز سیندیرماغا دوشونورلر
4 بیردن ـ بیره گؤیدن داش یاغسا… من ده داشا دؤنه جم داشلار باشیما دییب پارامپارچا اولاجاقلار!
5 داشلار کاغیذلاری سیندیرا بیلمه دیگی اوچون بیر ـ بیرلرینی سیندیرماغا چالیشیرلار
6 داشلارین چارتلاغیندان چیخان چیچکلر داش اولماسینلار دئیه باش قالدیریرلار
7 بینالارداکی یونولموش داشلار شهرین داش اولماغینی آنلادیرلار
8 داشلار بیر گون آیاغا قالخسالار هر نه یی داشا دؤنده رجکلر
9 مزارلاردا اولان باش داشلارا بالاجا بیر داشلا دؤیسن اؤلولری یوخودان اویادیب دانیشا بیلرسن
10 دونیانین هر یئرینه باخسان داشلارین حضورونو داشلارین دوشونجه سینی گؤرمک اولار بیزی حصارا چکیب آزادلیغیمیزی آلیرلار بیزی بیر ـ بیریمیزین جانینا سالیرلار بدنلریمیزی فتح ائدیرلر داشلار هر نه ائدیرلر آنجاق ندنسه هئچ کیم داشلارا بیر سؤز دئمیر…
|
||||||
|
"آذربایجان"
دا
یازیلان مطلب لردن
باشفا سایت لار ویایینلاردا
فایدالانماق، |
||||||
