آذربایجان

 

 
  ►►► سیاست اجتماعی ملی بین الملل تاریخ  
 

 

اسماعیل جمیلی

اورتادادیر

اورتادادیر دردین درینلیگی

اورتادادیر آغرینین آغیرلیغی

گؤز اؤنونده دیر

سورو سورو سوروننلر

گونو گوندن چوروننلر

چنه دؤین سورتوک آغیزلار

اؤلومو اؤین یئرتیق بوغازلار

اورتادادیر دیش قیجیدیر

قورخودان قارانلیق دوستاقلار

فیدانلاری یولوشدوران قورخاقلار

شیشیریلن باشی بوش سارساقلار

اورتادادیر یوز ایللرین جنازه سی

مزارلیقدا کوفولدایان عزا سسی

اورتادادیر بلا بویلو عومور آدلی

توکنمه ین بیر مصیبت

آزالمایان بیر اذیت

آجلیق پایلایان توخلوق

درینله شن یوخلوق

اورتادادیر جهلین جلالی

عقلین زوالی

توخونولماز تؤره نن تانریلار

قیفیللانمیش قوللوقچولار

اورتادادیر نه کی وار

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.