آذربایجان

 

 

 

►►► سیاست اجتماعی ملی بین الملل تاریخ

 

 

 

ناظم حکمتین یاشایشی سینما پرده سینده

   ... فیلمده حسرتین، سئودانین و انقلابین بؤیوک شاعری ناظم حکمت، 1941 نجی ایلده "بورسا" زندانیندا تصویر اولونور. "کمونیسم" تبلیغی سببی ایله محکوم اولان شاعرین شهرتی، زندانین ایچینده، قولاقدان ـ قولاغا افسانه یه چئوریلیر! محکوملارین پورتره سینی چکن ناظمین فکری یالنیز خانیمی "پیرایه" نین یانیندادیر. گونلردیر نه مکتوب و نه تلگراف گلمیشدیر. حسرتین سس سیز سیزیلتیسی، سیاتیک آغریسیندان دا دوزولمزدیر. زندان، ایکنجی دنیا ساواشینین نگران گونلرینی یاشاییر. ناظم زندانین مدیریندن دهشتلی خبری آلیر: حقینده وئریلن 28 ایل زندان جزاسی "یوخاری محکمه" طرفیندن قبول ائدیلمیشدیر.

   ناظم حکمتین زندان حیاتینین بیر بؤلومونی گؤسته رن "ماوی گؤزلو دئو" فیلمی 9 مارس دان اکرانا چیخمیشدی. سناریوسو 4 ایلده تماملانان و "متین بلگین" طرفیندن یازیلان فیلم ده، مشهور شاعرین رولونو "یئتگین تیکینچی لر" اویناییر. "تکینچی لر" ناظمه بنزه مک اوچون اؤزونو چوخلی آریقلاتمیشدیر. "تیکینچی لر" له بیرلیکده، "دولون آی سوی سرت" (پیرایه)، "اوغور پولاد" ( تحسین بیگ)، "فرید قایا" (ابراهیم بالابان)، "صونا کسگین" (جلیله خانم) و "رضا سؤنمز" (اورحان کمال) کیمی اویونچولار هیچ بیر اجرت طلب ائتمه دن، "ماوی گؤزلو دئو"ی یاراتمیشلار.

   فیلمین موسیقی سی اوچون، ناظمین "دعوت" شعری یئنی دن بسته لنمیش و فیلم "استانبول"لا بیرلیکده آتن"ده اوینانمیشدیر. فیلمین رژیسوری "بیکت الحان" ناظمین حیاتینی آنلادان بیر فیلمین یاراتماسینا ایللر قاباق قرار وئردیگینی قید ائده رک، "هرکسین باشیندا بیر ناظم وار، بودا منیم ناظمیم، بیزیم اکیپیمیزین ناظمی دیر!"سؤیله میشدیر.

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.