آذربایجان

 

 
  ►►► سیاست اجتماعی ملی بین الملل تاریخ  
 

 

 اسماعیل جمیلی

 

ایش دییه سن یاشدی یئنه

 

فیرتانا دؤندو توفانا

وولکان آغیز آچدی یئنه

ائل گوجو گلدی میدانا

ایش دئیه سن یاشدی یئنه

ظولمون اؤزو اولدو عیان

یاد گؤزونه دولدو دومان

فرمانینی وئردی زمان

قیزدی قازان داشدی یئنه

ایش دئیه سن یاشدی یئنه

 

کسمز اولوب زور پیچاغی

توتمورو حیله بویاغی

مرکزین آخسیر ایاغی

قورخو قویوب قاچدی یئنه

ایش دئیه سن یاشدی یئنه

تهران اؤزو قویدو بارا

چیرکین اوزو اولدو قارا

قوردو دوزاق دوشدو تورا

عقرب اؤزون ساشدی یئنه

ایش دئیه سن یاشدی یئنه

 

ماللا اؤزون قابلاسادا

بایرامی سوخسا یاسادا

مللت اینانمیر قاسا دا

راوی سؤزون چاشدی یئنه

ایش دئیه سن یاشدی یئنه

ائللریمیز ال بیر اولور

اؤزگه لییین کؤکون یولور

دوست سئوینیر دوشمن سولور

زورلاما زورلاشدی یئنه

ایش دئیه سن یاشدی یئنه

 

تورک اؤزونو تورک بیلیر

اؤزگه لییین پاسین سیلیر

آزادلیغین عطری گلیر

ارتجاع پیرتلاشدی یئنه

ایش دئیه سن یاشدی یئنه

قورتولوشون اسیر یئلی

جوشمادادیر ائلین سئلی

استبدادین سینیر بئلی

سئل باراژی آشدی یئنه

ایش دئیه سن یاشدی یئنه

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.