آذربایجان

 

 
  ►►► سیاست اجتماعی ملی بین الملل تاریخ  
 

 

سیاوش کسرائی

ترجمه ائده ن: بهروزمطلب زاده

 

اینام

 

سیاوش کسرائی دن بیر شعرین ترجمه سی. ناظم حکمتین وفاتینین ایل دونومو مناسبتی ایله

 

منیم کؤنلوم ئوز ئولومون اینانمیر

یوخ، یوخ، من بو یقینه اینانانمارام

تا حیات نفسی منله دیر آنجاق

ئولوم خیالینا آچمارام قوجاق
 

نیه گره ک گوللرسولوب، چورچوپ اولسون

نیه گره ک مینلرخیال چیچک لری

گول آچمامیش

باهارا چاتمامیش

منیم جانیمدا سولوب

تورپاق اولسون ؟
 

منده چوخلی وعده لر

منده چوخلی هجرلر

منده چوخلی گئجه، گوندوز

گویه قالخیب، دعا ائلیه ن اللر

نه اولاجاق گوره سن ؟
 

نیه گره ک چوخلی سایسیز وورغون لار

اوزاخ دوشسون

یاردان، دیاردان

نیه گره ک عاشیق جان لار

بیر گون ، سسیز، صداسیز

سونسیز یوللاردا، سوسسون ؟

اینانیم کی، آلنی آچیق بختور قیزلار

وصالا چاتمامیش

کام آلمامیش

پنجره لردن، یوللارا گؤز تیکیب

یار یولوندا، انتظارچکیب، قارا گئیه جک ؟
 

اینانیم کی، سئودانین

عصیان گولی، آچیلمامیش

قویلاناجاق، گیزلین تورپاق آلتیندا ؟

اینانیم کی، اوره ک بیر گون

چیرپینمیاجاق ؟

لعنت اولسون بو، یالانا

بو، دهشت لی یالانا.
 

منیم شعریم کورپو اولوب

گله جگین ساحلینه یول آچاجاق

صلح سئون، شادلیق یولوندا چالیشانلار

اوندان گئچه جک .

منیم ایسته گیم، اللرده، دوداخ لاردا، اوچور

بئله بیر دیله گه، سئویگی ایله باخین !
 

ال ایله، دوداقین داواملی گزیشینده

انسانلار، زامانین لوحه سینده

ابدیلشیر.

بیزیم بو ذره ذره ، سونموشه بنزه ر حرارتیمیز

شبهه سیز، بیر گون جانلانیب

آخیب، گونش اولاجاق.
 

نه قدر کی، سئویرسن منی

نه قدرکی، سئویرم سنی

نه قدرکی، گوزیاشیمیز محبتدن بیر اوزه آخیر

نه قدرکی، سئودالی وورغون جان لار،وار زمانه میزده

ئولوم ده سیله بیلمز، روزگارین یادیندان

منیم آدیمی.
 

چوخلی گوللر آلیب یئل منیم الیمدن

آنجاق، نیسگیللی اولاراق

هئچ بیر کسین ، خاطره گولونی یارپاغلامیرام

من هئچ بیر، عزیزین ئولومون اینانمیرام.
 

بیر گون ده توکوله جک

منیمده یارپاغیم

بیر گون آنجاق منیمده گوزلریم یوخویا گئده جک

هئچ کیمسه نین گؤزو، بو یوخونی اونودا بیلمز

آنجاق

منیم اینامیمین

عطری، ایئی

یایلاجاق ، باغین ایچینده !

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.