آذربایجان

 

 
  ►►► سیاست اجتماعی ملی بین الملل تاریخ  
 

 

هاشيم ترلان

من وٌ آنا ديليم

 

هاشیم ترلانگئجه‌لريم گوٍندوٍزه جالانديًقجا تالانديًم،

سكسن ايل‌ليك بير عؤمروٍن اوْجاغيًندا قالانديًم.

ساحيلده‌يٌم، يٌوْل اوٍسته لپه‌لريم هوٍجومدا،

دايٌانميًشام داغ كيمي حئيٌران قالـيًب هوٍجوم دا.

تك‌لنميشم، سئيٌره‌ليب هم‌يٌاشلاريًم اجل‌دن،

كؤوٌرلميشم، باخ بودور افكاريًميً گيجلدن.

يٌاشيًم اوٍسته يٌاش گليب قالانسا دا قميم كم،

هله وٌارام، دالـيًنجا سوٍروٍندوٍكجه بو كؤلگه‌م.

بو گليم‌لي- گئديم‌لي دوٍنيـٌاميًزدا نه وٌار كي،

نسيل‌لر گليب گئدير، نه آخيًريً، نه ايلكي.

سن عؤمروٍنوٍ يٌاشيًن‌لا اؤلچوٍب، بيچمه آمان‌ديًر،

گنج يٌاشيًمدا قوْجالديًم سؤيٌله‌مه‌يٌين گوٍمان‌ديًر.

سارماشيًق‌لار دايٌاق‌سيًز، بوْيٌ آتسا دا اوجالماز،

گنجلييٌي قوْجالـيًقدا آختاران‌لار قوْجالماز.

فلك‌دن‌مي گؤروٍم من طالئعين رنگيني،

ندير حؤكموٍ دانماغيًن بير ديلين آهنگيني؟

يٌوْخ! فلك‌دن دئيٌيل بو، فيًرلانسا دا ترسينه

دامغالانديًق توش اوْلدوق، دار گؤزلرين ايرثينه.

منيم ديليم، شوخ ديليم، شئعري دوزلو، سؤزوٍ تر،

فضولي‌نين حيكمتي چوْخ شاهلاريً تيتره‌در.

اؤز ديليم‌دير عرش‌ده اولدوزلاريً دينديرن،

دار گؤزلري حسادت يٌهريندن ائنديرن.

ديليميزين طالئعي اوْيٌونجاق‌ميً سانـيًرسان؟

اؤزوٍنوٍن ناحق‌لييٌين منه حاق‌ميً سانـيًرسان؟

ائيٌ منه من‌لييٌيمدن يٌاخيًن اوْلان حال ديليم،

بير گوٍن گلر آخارسان دوْداق‌لاردان بال ديليم.

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.