بازگشت به صفحه پیشین

ائلیار پولاد

سورغولو گئجه

گئجه دیر. یئمه ك ماساسی نین آرخاسیندایام. بو ماسا منه چوخ عزیزدیر . اونا گورا كی یازدیغیم بوتون یازیلاریم اونون اوزه رینده دیر. بیر نوع دئسه م كی یازیلاریم اوندادیر ، یانلیش دانشمیرام.  یئنی بیر سربست شعر یازماغینا باشلامیشام.

          اونو آرتیرمالییام كی منیم اوغلوم بیرینجی صینیف اویره نه نی دیر. او گون ده ن كی

صینیفه باشلاییب، یا دوزونو دئسه م كاغیذ – قلم تانییب من بیر یازی یازاندا اودا كاغیذ – قلم

الینه آلیب منله بیرگه  من یازی یازاراق اودا شكیل چكیر.

         آما بو آخشام كئچمیشلرله فرقلی دی . اونا گورا كی  او گلیب اوتوران  واختدان باشلاییب سوال وئرمه یه :

        ـ بابا  " خوشحالدی" "توركوده " نه اولور؟

منسه جاواب وئریره م :

       ـ اوغلوم "سئوینجه كدیر."

ائله بیر آن كئچمه ده ن یئنه سوروشور:

       ـ بابا " ابر" نه دیر؟

من یئنه جاواب وئریره م :

-          اوغلوم " پلمه " دیر.

ائله من قلمی كاغاذا یاخینلاشدیران زامان اوغلوم سوروشور:

-          بابا "باران " نه دیر؟

من كاغاذلاریمی یغیشدیریب اوغلومون سواللارینا جاواب وئرمه گه حاضیرلاشیرام.

او هر نه سوروشور منده باجاردیغیم قده ر اونا جاواب وئریره م. اویازاركن من دوشونوره م:

   "ایر من آنا دیلیمی اویره نمه سه یدیم . اوغلوم منه ایناناردیمی؟"

 اوغلومون یازیسینی آلیب  باخیرام.

دئمك او الیفبانی اویره ندیی قده ر سوزلوك یازیرمیش . "فارسی – توركی" سوزلوكو.

اونا گورا كی او" آنا" دیلینده یوخ . فارسی دیلینده اوخویور.

    22/12/86

 نسحه قابل چاپ