آذربایجان

 

 
  ►►► سیاست اجتماعی ملی بین الملل تاریخ  
 

 

ائلیار پولاد

چال عاشیق

چال عاشیق چال

او صدفلی سازی دیندیر

سازدان الهام آلاراق

کین- کدورتلری سؤندیر.

بیر اؤیود وئر کی

یاتانلاردا اویانسین

او،

اوتانمازلار اوتانسین

فلکین چرخی دایانسین.

بیرده بیر

ائل هاواسی چال کی،

ایگیتلر دوزولوب صف- صفه دورسون

شرقیلر سویله نیبن هارای وورولسون

گئجه نین ظلمتی نین باغری یاریلسین.

قوی سسین،

داغلارا دوشدوکده اوجالسین.

یئنی بیر نغمه یارانسین.

ائله بیر هلهله قوپسون کی،

بوتون عالم قولاغی

لرزه یه گلسین.

بو ائله حیله قوروب ،

تور توخویانلاردا اوسانسین.

چال عاشیق

بیر ده بیر جنگی کوراوغلو

دلیلر میدانا گلسین

وطنه باسقین ائده ن تولکولرین

باغری دلینسین

قوی خبر ایوازا چاتسین.

چال عاشیق چال

اوره گیم قانه دؤنوبدور

گوندوزوم ظلمت اولوبدور

اوره گیم تک بو وطن تورپاغی دا

شان-شان اولوبدور

چال عاشیق چال.......

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.