آذربایجان

 

 
  ►►► سیاست اجتماعی ملی بین الملل تاریخ  
 

 

 

م. ع. آرش

 

بیر مکتوب

 

 

گؤزه لیم!

سوروشورسان نئجه دیر

عؤمرومون سون سوره سی؟

باخ دئییم سن ده ائشیت!

گؤر نئجه دیر دار قفسیم.

قار ـ بورانلیقلار اولوب،

حیاتیم طوفان اولوب.

گونلرین بیر گونونده،

پیس بورولقان

یئنی دونیانی پوزوب؛

اوره ییمده یارانان

گول ـ چیچگیم، لاله لریم،

سارالارکن ده سولوب.

داهی دنیا منه بیر

زندان اولوب!

گؤز یاشیم

کؤلگه م ایله همدم اولوب

گئچه جک دویغولاریملا

چورویوب،

آجی بیر حسرت اولوب!

اود ـ آلاولار

یارالی کونلومه بیر

دوزلاق اولوب.

عهد و پیمان دئیه سن

ای گؤزه لیم تاریخده،

داغیلمیش بیر تیکه

بیر کسسک اولوب!

نه دئییم تورپاق اولوب!

 

        ***

 

هله ایندی گؤروره م

گونشین چیخماسینی!!

پس بو دنیادا وارام!

نئیله مک؟

بیر ـ ایکی گونلوک ده غنیمتدیر

اولاق

بیز بو دنبایه قوناق

ایندی انسانلارین عؤمرو

بئله اولوب.

عشق پیمانه سی زهر ایله دولوب.

نئیله مک! آخ

بئله اولوب.

 

منبع: نو شکفت، سال اول شماره اول، اسفند 1385، صفحه 11

نسخه قابل چاپ

   
   

   
 

ذربایجان" دا یازیلان مطلب لردن باشفا سایت لار ویایینلاردا فایدالانماق،
 یالنیز یازیچی، ترجمه چی و قایناق آ
دلارینی چکمکله آزادیر.